ថតរូប និងវីដេអូ ដោយពុំ​ចាំបាច់​ចូល​កម្មវិធី​កាមេរ៉ា ជាមួយ Tweak ដ៏​ពិសេស​មួយ​នេះ

អ្នកប្រើប្រាស់ស្មាតហ្វូនទាំងអស់មិនថាគេ ឬខ្ញុំឡើយគឺ​ចូល​ចិត្ត​ថត​រូប និង​វីដេអូ ដើម្បី​ទុក​មើល​កំដរ​ការ​អផ្សុក ឬ​ចែក​រំលែក​ទៅ​កាន់​មនុស្ស​ដែល​យើង​ស្គាល់ ឬ​ទៅ​កាន់​សង្គម​ទាំង​មូល​ផង​ដែរ ហើយ​ការ​ថត​នោះ​ទៀត​សោត​គឺ​តម្រូវ​អោយ​យើង​បើក​កម្មវិធី​កាមេរ៉ា​ប្រើ​ ប្រាស់ ដែល​វា​អាច​ជា​កម្មវិធី​ហ្ស៊ីន​របស់​ទូរស័ព្ទ ឬ​កម្មវិធី​តម្លើង​តាម Play/App Store ជា​ដើម។ យ៉ាង​ណា​មិញ​ពេល​ខ្លះ​យើង​ចង់​ថត​រូប ឬ​វីដេអូ ដោយ​មិន​ចង់​អោយ​នរណា​ម្នាក់​ដឹង​គឺ​ពិត​ជា​ពិបាក​ព្រោះ​យើង​ត្រូវ​ចូល​ កម្មវិធី​កាមេរ៉ា ដែល​អ្នក​នៅ​ជុំវិញ​យើង​គេ​អាច​ដឹង​ថា​យើង​កំពុង​ថត​អ្វី​មួយ​ជាក់​ជា​មិន​ ខាន ក៏​ប៉ុន្តែ​បញ្ហា​នេះ​លែង​ជា​បញ្ហា​ធំ​ដុំ​ទៀត​ហើយ ដោយ​រាល់​អ្នក​ប្រើ​ប្រាស់ iPhone, iPad និង iPod Touch 5 ដំណើរ​ការ​ដោយ​ប្រព័ន្ធ​ប្រតិបត្តិ​ការ iOS 8 ទាំង​អស់ អាច​ធ្វើ​ការ​ថត​រូប និង​វីដេអូ​បាន​ដោយ​សេរី ដោយ​គ្មាន​នរណា​ម្នាក់​ដឹង ព្រោះ​អ្នក​អាច​ថត​ដោយ​ពុំ​ចាំបាច់​ចូល​ទៅ​កម្មវិធី​កាមេរ៉ា​អ្វី​ទាំង​អស់​ ជាមួយ Tweak ពិសេស​មួយ​នេះ។

Tweak ពិសេសនេះមានឈ្មោះហៅជាផ្លូវការថា QuickShoot Pro វា​បាន​ចេញ​ចាប់​តាំង​ពី iOS 6 មក​ម៉្លេះ ហើយ​បាន​បន្ត​ធ្វើ​ការ Update រហូត​មក​ដល់ iOS 8 នេះ​ថែម​ទៀត ហើយ​បច្ចុប្បន្ន​វា​មាន​លក់​នៅ​ក្នុង Cydia នៅ​ក្នុង​តម្លៃ 1.49$ ដោយ​ការ​ប្រើ​ប្រាស់​គឺ​កាន់​តែ​ប្រសើរ និង​ល្អ​ជាង​មុន​ឆ្ងាយ​ធានា​ថា​អ្នក​នឹង​ពេញ​ចិត្ត​ជាមួយ​សមត្ថភាព​របស់​វា។ សម្រាប់​ប្រិយមិត្ត Cambo Report វិញ​គឺ​ពុំ​ចាំបាច់​ខ្វាយ​ខ្វល់​អំពី​បញ្ហា​ទិញ Tweak នោះ​ទេ អ្នក​អាច​តម្លើង Tweak នេះ​ប្រើ​ប្រាស់​បាន​ដោយ​សេរី មិន​គិត​ប្រាក់​អ្វី​ទាំង​អស់ ដូច្នេះ​ដើម្បី​តម្លើង Tweak នេះ​បាន​គឺ​មាន​ភាព​ងាយ​ស្រួល​ខ្លាំង​ណាស់ ដោយ​គ្រាន់​តែ​ធ្វើ​តាម​ជំហ៊ាន​ងាយៗ​ដូច​ខាងក្រោម៖

តម្រូវការ

• iPhone, iPad និង iPod Touch 5 ដំណើរការដោយ iOS 8 ទាំងអស់
• ត្រូវបាន Jailbroken បានសម្រេច 100%
• មាន Cydia

របៀបតម្លើង

• ចូលទៅកាន់ Cydia
• ចុចប៊ូតុង Source ហើយ Manage > Source > Edit > Add វាយ​ពាក្យ​ថា http://repo.biteyourapple.net ហើយ​ចុច Add (បើ​អ្នក​មាន Source នេះ​ហើយ​មិន​ចាំបាច់ Add បន្ថែមឡើយ)
• បន្ទាប់មកសូមចុចប៊ូតុង Search ហើយវាយពាក្យថា “QuickShoot Pro”
• សូម Install Tweak នោះ ដែលមានឈ្មោះថា QuickShoot Pro iOS 8
• បន្ទាប់ពីតម្លើងរួចអ្នកនឹងឃើញ Tweak នោះនៅលើផ្ទាំង Menu របស់ iDevice អ្នក
• ជោគជ័យ! អ្នកអាចប្រើប្រាស់ Tweak ពិសេសនេះថត​រូប និង​វីដេអូ ដោយ​ពុំ​ចាំបាច់​ចូល​ទៅ​ក្នុង​កម្មវិធី​កាមេរ៉ា​ទៀតហើយ!

គួរបញ្ជាក់ប្រាប់ផងដែរថា Tweak មួយនេះ Cambo Report គ្រាន់​តែ​ធ្វើ​ការ​ណែនាំ​ប៉ុណ្ណោះ យើង​ពុំ​មាន​បំណង​ចង់​អោយ​ប្រិយមិត្ត​យក​ទៅ​ថត​រូប ឬ​វីដេអូ អ្វី​អោយ​ខុស​ពី​សីលធម៌​សង្គម​យើងឡើយ។

http://www.cambo-report.com/news6/QuickShoot-Pro-Tweak.aspx

ការពារ Wifi កុំឲ្យ Hack បាន

របៀប Hack Wifi Passowrd ដោយប្រើកម្មវិធី Dummper ជាមួយនឹង JumpStart រួចមកហើយ ។ ប៉ុន្តែថ្ងៃនេះខ្ញុំសូម ប្រាប់ពីរបៀប ការពារវិញម្តង ។ កម្មវិធី Dummper ជាមួយនឹង JumpStart វាអាច Hack ចូលទៅបានគឺអាស្រ័យ នឹង PIN របស់ Rounter ដែល មានក្នុង WPS ។

 ប្រសិនបើលោកអ្នកចង់ការពារ Rounter របស់អ្នកមិនឲ្យមានអ្នក Hack ចូលបាន សូមអនុវត្តន៏តាមជំហានខាងក្រោម៖

១ សូម Log In ចូលទៅក្នុង Link Wifi របស់អ្នក

២ ចូលទៅត្រង់ WPS

៣ ត្រង់ WPS Status: សូម Disable វា

៤ ហើយត្រង់ Current PIN: សូមចុចលើ Disable PIN of this device

 ៥ រួចរាល់ តែប៉ុននឹងគ្មានអ្នកណា Hack ចូល Wifi អ្នកបានទៀតទេ :P ។

 
http://itcambo.com/wp/?p=20653

ពិនិត្យ​មើល ​រយៈពេល​ធានា​នៅលើ Apple Device

លោក​អ្នក​កំពុងតែ​ប្រើប្រាស់​ផលិតផល​របស់ Apple ប្រហែល​ជាមិនបានខ្វល់ខ្វាយថា ​តើ​ទួរស័ព្ទរបស់​អ្នក​ផុត​កំណត់​ពេលវេលា​ដែល​ក្រុមហ៊ុនបាន​ធានា​ សេវាកម្មទៅលើ​ ​iPhone, iPad, iPod Touch, MacBook Pro របស់​លោកអ្នក​ទេ ។ ក្រុមហ៊ុន Apple បាន​ធានា​ទៅលើ​សេវាកម្មទៅដល់អតិថិជនរបស់​ខ្លួនក្នុងទៅលើ​ រាល់ការទិញក្នុងរយៈពេលមួយឆ្នាំ នឹងបានផ្តល់ភាពងាយស្រួលដល់អ្នកប្រើប្រាស់​ក្នុង​ការ​ត្រួតពិនិត្យ​មើលថា ​តើរយៈពេល​កំណត់​ក្នុងការ​ធានានោះចប់​ ឬនៅតាមរយៈ​ទំព័រ Apple Support ។

ការធានា​មានគ្រប់​យ៉ាង ព្រោះទើបតែទិញថ្មី

សេវា​​ទាំងនោះ​មាន​ដូចជា៖

• Telephone Technical Support៖ លោកអ្នក​អាច​តេ​ទៅ Support នៅ​ក្រុមហ៊ុន Apple ​ផ្ទាល់​ពី​ចម្ងល់​ និង​ដំណោះស្រាយ​បញ្ហា​នានា រយៈពេល ៩០ថ្ងៃ រាប់​ចាប់​ពី​ថ្ងៃទិញ និង Activated Device ដំបូង ។
• Repairs and Service Coverage៖ ជាសេវា​​ដ៏ពិសេសមួយ ដែល​លោកអ្នក​អាច​យក​ទៅ​ក្រុមហ៊ុន Apple ឲ្យ​ធ្វើ​ការ​ជួសជុល ឬដូរថ្មី​ក្នុងករណី Hardware មាន​បញ្ហា ដូចជា ខូច Hard Disk របស់ Mac, សាក​ថ្ម​មិនចូល​​ iPad ឬ ខូច Wifi របស់ iPhone ជាដើម ។ ការធានា​នេះ​មាន​រយៈពេល ១ឆ្នាំពេញ រាប់​ចាប់ពី​ថ្ងៃទិញ និង Activated ដំបូង ។

ចំណាំ៖ សេវា​នេះ​ត្រូវបាន​ផ្តល់​ជូន​ជា​សាធារណៈ និង​អន្តរជាតិ​រាល់​ក្រុមហ៊ុន Apple ទោះនៅ​អាមេរិក សិង្ហបូរី ក៏​លោកអ្នក​អាច​យក​ទៅជួសជុល​បានដែរ (កុំភ្លេច​ថ្លៃ​សំបុត្រ​យន្តហោះ) ។

ការ​ត្រួតពិនិត្យ​ទៅលើ​រយៈពេលធានា​នេះ គឺលោកអ្នក​គ្រាន់​តែ​វាយបញ្ជួលនូវលេខ​ Serial Number របស់ ​Device របស់​អ្នកដាក់​ចូលប្រអប់​ស្វែរក​មួយ ដែល​លោកអ្នក​អាច​ចុច​លើ តំណភ្ជាប់នេះ នោះលោកអ្នក​នឹងអាចមើលដឹងថាតើ iPhone ឬ iPad របស់​អ្នក​ផុតកំណត់​ធានា​ហើយឬនៅ ។

• ដើម្បីមើល Serial Number របស់​ iPhone របស់​អ្នក​សូមចូលទៅកាន់​ Setting => General => About ហើយ​​ Scroll ចុះទៅក្រោម​រកមើល​ពាក្យថា​ Serial Number ហើយ Tab ឱ្យជាប់​នៅលើ​លេខ Serial ដែល​នៅខាងស្តាំនោះហើយយកពាក្យ Copy ។

• សូម Paste Serial Number របស់​ Apple Device លោកអ្នក​​ដាក់ទៅក្នុង​ប្រអប់​ខាងលើ ហើយចុច Continue នោះលោកអ្នក​នឹងបានឃើញ ពីពត៌មានពីការ​កំណត់​រយៈពេល​ធានារបស់​ iPhone iPad របស់​អ្នក​ដូចរូបខាងក្រោមនេះ

ប្រសិន​បើ Device លោកអ្នក​ទិញប្រើយូរ​ហើយ នោះ​វានឹង​បង្ហាញពី​ព័ត៌មាន​ដែល​ហួស​សពុលភាព ដូចរូប​ខាងក្រោម៖

ហួសកំណត់​ពីរ​ចំណុច​សំខាន់ៗ ព្រោះទិញ​ជាង​មួយឆ្នាំហើយ!

 លោកអ្នក​អាចពិនិត្យ​មើល​លេខ Serial ឲ្យច្បាស់​លាស់​មុននឹង​សម្រេចចិត្ត​ទិញផលិតផល Apple ណាមួយដោយ​មិនចាំបាច់ បើក​មើល​ខាងក្នុង ។

  

http://www.sombokit.com/2014/01/21/check-warranty-status-apple-device.html

ធុញទ្រាន់​នឹង friend នៅ​លើ Facebook ចង់​ Unfriend តែ​ខ្លាច​មិន​សម អីចឹង​សូម​​អនុវត្ត​តាម​គន្លឹះ​នេះ​​​អាច​ដោះស្រាយ​បាន

ធុញទ្រាន់​នឹង friend នៅ​លើ Facebook ចង់​ Unfriend តែ​ខ្លាច​មិន​សម អីចឹង​សូម​​អនុវត្ត​តាម​គន្លឹះ​នេះ​​​អាច​ដោះស្រាយ​បានប្រភព៖​ prinscreen ពី Facebook

ទន្ទឹម Facebook ជា​បណ្ដាញ​សង្គម​ផ្ដល់​អត្ថប្រយោជន៍​ច្រើន​លើស​ពី​ការ​ភ្ជាប់​ទំនាក់ទំនង​រវាង​មនុស្ស​ឆ្លង​ប្រទេស ឆ្លង​ទ្វីប តែ​សេវាកម្ម​ដែល​កំពុង​មាន​អ្នក​ប្រើ​ជាង ៨០០លាន​គណនី​រៀងរាល់​ថ្ងៃ​នេះ ក៏​អាច​ធ្វើ​ឱ្យ​អ្នក​ប្រើ​មាន​ភាព​ធុញទ្រាន់​ដោយសារ friend របស់​គេ​ផង​ដែរ។ ដោយសារ​បច្ចេកវិទ្យា​ជឿនលឿន សព្វថ្ងៃ​បណ្ដាញ​សង្គម​ពិត​ជា​បាន​រួមចំណែក​ផ្ដល់​ភាព​ងាយស្រួល​ដល់​អ្នក​ប្រើ​យ៉ាង​ច្រើន ជាក់ស្ដែង​អាច​ចែករំលែក​ចំណេះដឹង និង​ព័ត៌មាន​ផ្សេងៗ​ទាំង​ក្នុង​ប្រទេស និង​អន្តរជាតិ​បាន​ទាន់​ហេតុការណ៍​ភ្លាមៗ។ យ៉ាងណា អ្នក​ប្រើ​អាច​នឹង​វិលមុខ​ដោយសារ​មាន friend តែងតែ​បង្ហោះ status ឬ​ព័ត៌មាន​ឥត​បាន​គេ ដែល​នាំ​ភាព​ស្មុគស្មាញ​ដល់​លោក​អ្នក។ ចុះ​តើ​ត្រូវ Unfriend ឬ​យ៉ាង​ណា? តើ​ការ Unfriend ពិត​ជា​វិធីសាស្ត្រ​ល្អ​ឬ? ចុះ​តើ​លោក​អ្នក​មិន​ខ្លាច​ប៉ះពាល់​មិត្តភាព​ទេ?

តាម​ការ​សិក្សា​ស្រាវជ្រាវ​បង្ហាញ​ថា ដើម្បី​ឱ្យ​ការ​ប្រើ​បណ្ដាញ​សង្គម Facebook ផ្ដល់​អត្ថប្រយោជន៍ និង​មិន​ធ្វើ​ឱ្យ​លោក​អ្នក​ជិនណាយ គឺ​ត្រូវ៖ (១)-ចេះ​ជ្រើសរើស​ពេលវេលា​ស័ក្ដិសម​ដើម្បី​លេង (២)- Add និង​ទុក​តែ friend ណា​អ្នក​ស្គាល់​ច្បាស់ និង​ចង់​រក្សា​ទំនាក់ទំនង​ល្អ ហើយ unfriend អ្នក​ដែល​មិន​ស្គាល់ និង​មិន​ធ្លាប់​ភ្ជាប់​ទំនាក់ទំនង​ទាល់តែ​សោះ (៣) ចុច Like ទំព័រ (Page) និង​ចូលរួម (join) ក្រុម (Group) ដែល​ផ្ដល់​អត្ថប្រយោជន៍​ត្រូវ​នឹង​អ្វី​ដែល​អ្នក​ចង់​បាន ហើយ Unlike ទំព័រ និង Leave ក្រុម​ដែល​គ្មាន​ប្រយោជន៍។ នៅ​មាន​វិធីសាស្ត្រ​ផ្សេងៗ​ទៀត​ដើម្បី​ទទួល​បាន​ប្រយោជន៍​ពី​បណ្ដាញ​សង្គម។

... បើ​គិត​ថា Facebook ធ្វើ​ឱ្យ​ខាត​ពេល​ឥត​ប្រយោជន៍ អីចឹង​​លោកអ្នក​សាក​មក​អនុវត្ត ៥ចំណុច​​​នេះ​ដើម្បី​ឱ្យ​​​មាន​ប្រយោជន៍​វិញ​​ ...

ចុះ​សម្រាប់​លោក​អ្នក​ដែល មិន​ហ៊ាន Unfriend ដោយសារ​គិត​ថា ជា​ទង្វើ​ហួសហេតុ​មិន​សម​នឹង​ធ្វើ ម្យ៉ាង​គិត​ថា ពិបាក​នឹង​មើល​មុខ​គ្នា​ចំ តើ​ត្រូវ​ធ្វើ​ដូចម្ដេច? ទំព័រ​នេះ យើង​សូម​បង្ហាញ​គន្លឹះ​សាមញ្ញ​ដើម្បី​ដោះស្រាយ​បញ្ហា​នេះ​ជូន​លោក​អ្នក​បាន។ ខាង​ក្រោម​នេះ គឺ​ជា​គន្លឹះ​ដើម្បី​បញ្ឈប់​ការ​បង្ហាញ Post របស់ friend ណាមួយ​ដែល​លោក​អ្នក​មិន​ត្រូវការ​មើល​ឃើញ ដោយ​មិន​ចាំបាច់ Unfriend ឡើយ។

វិធី​ទី១៖ នៅ​លើ News Feed លោក​អ្នក​គ្រាន់តែ​រក​មើល Post របស់ friend ណា​ដែល​អ្នក​មិន​ចង់​ឃើញ ហើយ​ចង់​បិទ​មិន​ឱ្យ​បង្ហាញ​នៅ​ពេល​គេ​បង្ហាះ status លើក​ក្រោយៗ​ទៀត រួច​ហើយ​ចុច​លើ សញ្ញា​ព្រួញ​នៅ​ផ្នែក​ខាង​ស្ដាំ​នៃ Post រួច​រើស​យក Unfollow [ឈ្មោះ friend] ជា​ការ​ស្រេច។

​វិធី​ទី២៖ ចូល​ទៅ Wall របស់ friend នោះ​រួច​ហើយ រក​មើល​បើ​ឃើញ​ប៊ូតុង Following សូម​ចុច​លើ​នោះ​ម្ដង ដើម្បី​ប្ដូរ​ទៅ​ជា​ប៊ូតុង Follow វិញ។ នេះ​គឺ​មាន​ន័យ​ថា លោក​អ្នក​កំពុង​ដក​ការ​បង្ហាញ Post របស់ friend ម្នាក់​នោះ មិន​លើ​គណនី Facebook របស់​ខ្លួន​ហើយ។ ដូច្នេះ​រាល់​ការ Post របស់ friend ម្នាក់​នោះ នឹង​លែង​បង្ហាញ​នៅ​លើ News Feed របស់​អ្នក៕

សាកល្បង​អនុវត្ត​ម្ដង​មើល៍ តើ​បាន​ផល​ឬ​យ៉ាង​ណា?

... Facebook ប្រសិន​បើ​មាន ៤ចំណុច​នេះ​ទៀត នឹង​ធ្វើ​ឱ្យ​ User ​បាក់​ចិត្ត​ស្ដូក​មក​ប្រើ​កាន់​តែ​ខ្លាំង ...
... របៀប​លាក់​មិន​ឱ្យ Friend អ្នក​ដឹង​ថា ​អ្នក​បាន​អាន​សារ Facebook របស់​គេ​នៅ​លើទូរស័ព្ទ និង​កុំព្យូទ័រ ...

http://www.thebnews.com/news/7131/