បច្ចេកវិទ្យា

Tuesday, December 31, 2013

រៀបជួសជុលក្ដារចុច និងពុម្ពអក្សរខ្មែរក្នុង iOS 7

ក្រោយពេលដែលបានធ្វើការ Jailbreak រួច អ្នកប្រើឧបករណ៍ទំនើប iDevices ជាច្រើននាក់មានធ្វើការត្អូរត្អែរថា ឧបករណ៍របស់ពួកគេបានដំណើរការខុសប្រក្រតី ពោលគឺ មានបញ្ហាជាច្រើនដែលបានកើតឡើង ។ ជាការពិតជាមួយនឹងការ Jaiblreak ដោយ Evasi0n7 គឺត្រូវបានភ្ជាប់ជាមួយនឹងទីផ្សារថ្មីរបស់ចិន ដែលមានឈ្មោះថា TaiG ប៉ុន្តែក្រុម Evad3rs ចេញ Evasi0n7.1.0.1 ដើម្បី Jailbreak iOS7 សាជាថ្មីម្ដងទៀត ក្នុងគោលដំណងធំ គឺលុបចេញនូវទីផ្សារ TaiG ។
ios7 font khmer

រូបភាពពី Facebook របស់ Kayna Kol:
ក្រៅពីមានការចេញនូវ Evasion7.1.0.1 ថ្មីៗនេះក្រុម Evad5rs ទើបនបានចេញនូវកម្មវិធី Evasi0n7.X ថ្មីដែលបានលុបទាំងទីផ្សារ TaiG ហើយអាចនឹងមានបញ្ចូលមុខងារផ្សេងទៀតនាពេលខាងមុខ ។ ដូច្នេះប្រសិនបើអ្នកបាន Jailbreak ឧបករណ៍ជាមួយនឹង Evasion7 1.0.1 នោះអ្នកនឹងអាចឃើញមានដាក់ update សម្រាប់ Evasion7.x Untether 0.2 ។ ដើម្បី update ទៅកាន់ Evasion7.x Untether 0.2 សូមចូលទៅកាន់ Cydia > ប៉ះលើ Changes tab និងចុចយក Upgrade ដោយជ្រើសយក Confirm button ពុំដូច្នេះទេ អ្នកអាចប៉ះលើ Evasi0n 7.x Untether package ដែលមានបង្ហាញក្នុងតារាង Changes tab ហើយចុចយក Modify>Upgrade និងចុចយក Confirm button ។
evasi0n7_untether

ចំពោះទីផ្សារ Cydia ក៏ត្រូវបានប្រកាសចេញថ្មីសម្រាប់ iOS 7 ផងដែរ ដូច្នេះប្រសិនបើទីផ្សារ Cydia របស់អ្នកពុំមែនជាកំណែចុងក្រោយ Cydia 1.1.9 ដែលលោក Jay Freeman ទើបបានប្រកាសចេញនោះទេ សូមធ្វើការ Update (តំណភ្ជាប់ពីវិធី Update Cydia) ។
រៀបជួសជុលក្ដារចុច និងពុម្ពអក្សរខ្មែរក្នុង iOS 7៖
ជាដំបូងយើងសូមឲ្យកម្មវិធី Jailbreak នៅក្នុងឧបករណ៍របស់អ្នកត្រូវតែជា Evasion7.x Untether 0.2 និង Cydia ជាកំណែចុងក្រោយដែលចេញសម្រាប់ iOS7 គឺ Cydia 1.1.9 ។ បន្ទាប់សូមអនុវត្តតាមវិធីខាងក្រោម :
វីធីទី១៖

ធ្វើការដំឡើងឡើងវិញនូវ Mobile subtrate (វិធីដំឡើងឡើងវិញ )
លុប Khmer Keyboard ចេញ (ក្នុង Cydia)
ដំឡើង Khmer Keyboard សាជាថ្មី
ធ្វើការ Restart Springboard

វីធីទី២៖
សម្រាប់ការអនុវត្តតាមវិធីទី១ ហើយតែនៅមិនទាន់ដំណើរការ ។

លុប Mobile subtrate (Cydia >Manage> Packages> Mobile substrate)
សូមធ្វើការ Restart Springboard
លុប Khmer Keyboard រួច Reboot
បន្ទាប់មកចូលទៅកាន់ Setting > General > Keyboard > Keyboards -> Add New Keyboard > ជ្រើសយក «ក្ដារចុចខ្មែរ»

វីធីទី៣៖
ក្នុងករណីខាងលើទាំងពីរនៅតែមិនអាចជួយបាន នោះអ្នកត្រូវប្រើកម្មវិធីកុំព្យូទ័រមកជំនួយ ។

ត្រូវទាញយកកម្មវិធី iToos ឬប្រើ iFunbox(បន្ទាប់ពីដំឡើង iTools រួច និងភ្ជាប់ឧបករណ៍ទៅកាន់កម្មវិធី តែកម្មវិធីចេញពាក្យ Jailbreak ថា “No” សូមចូលទៅកាន់ Cydia ហើយស្វែងរក “afc2add” និងដំឡើង Reboot )
ក្រោយភ្ជាប់ឧបករណ៍ សូមចូលទៅកាន់ var/mobile/library/caches/com.apple.keyboards ដើម្បីលុប Folder ដែលមានឈ្មោះថា “com.apple.keyboards”
បន្ទាប់មក ចូលទៅលុប Mobile subtrate (Cydia >Manage> Packages> Mobile substrate)
សូមធ្វើការ Restart Springboard
លុប Khmer Keyboard រួច Reboot
ធ្វើការដំឡើង Khmer Keyboard ឡើងវិញ
រួច Restart Springboard

បញ្ជាក់ ចំពោះដំណោះស្រាយខាងលើ គឺមិនអនុញ្ញាតឲ្យអ្នកបិទ ឧបករណ៍ ឬ Restart នោះទេ ដូច្នេះប្រសិនបើបិទ ឬ Restart ឧបករណ៍នោះអ្នកនឹងត្រូវអនុវត្តឡើងវិញម្ដងទៀត ។ ដោយឡែកចំពោះ iPad Air, iPad Retina mini, iPhone 5S និង iPhone 5C គឺនៅតែមិនអាចប្រើប្រាស់ Keyboard ខ្មែរ នៅឡោយទេ ។

http://porpok.com/2013/12/31/fix-fontkey-khmer/

វិធីកែ ឃីប៊តខ្មែរ វាយចេញ អក្សរថៃ

សំរាប់លោកអ្នក ដែលបាន ដំឡើង ឃីប៊តខ្មែរ តែពេលវាយចេញជា ភាសាថៃ ទៅវិញនោះ នេះ គឺដោយសារតែ កញ្ចប់មួយឈ្មោះ Mobile Substrate មិនទាន់ ទ្រទ្រង់ ប្រព័ន្ធ iOS 7 នៅឡើយ។ ទើបតែពេលថ្មីៗនេះទេ ដែល លោក Saurik ដែលជា ម្ចាស់របស់កម្មវិធី Cydia និងកញ្ចប់ Mobile Substrate បានធ្វើការកែកុន កញ្ចប់ Mobile Substrate នេះ អោយដំណើរការ លើ iOS 7 យ៉ាងពេញលេញ ព្រមទាំង ទ្រទ្រង់ ARM64 (iPhone 5S)។ សូមអនុវត្ត ដូចខាងក្រោម ដើម្បី ដោះស្រាយ បញ្ហាឃីប៊តខ្មែរ វាយចេញ ថៃ។

តំរូវការជាមូលដ្ឋាន:
- iPhone, iPod Touch, iPad ដើរលើ iOS 7 ដែល Jailbreak រួចហើយ

វិធីអនុវត្តន៍:

មុននឹងដំឡើង Mobile Substrate សូមបើក Cydia រួចចូលទៅ Changes រួចមើល កញ្ចប់ evasi0n 7.x Untether ឃើញ ឬអត់។ បើឃើញ សូមធ្វើការ Update វា ជាមុនសិន។
1. ដំឡើង Mobile Substrate ឬ Cydia Substrate សារឡើងវិញ: ជាដំបូង ត្រូវដំឡើង Cydia Substrate ទៅកាន់ កំណែទំរង់ថ្មី ដែលទ្រទ្រង់ iOS 7។ សូមបើក កម្មវិធី Cydia រួចរង់ចាំ វា Loading រហូតដល់ចប់ (វាកំពុងអាប់ដេតកញ្ចប់ថ្មីៗ)។ បន្ទាប់មក ចូលទៅ Search រួចវាយពាក្យ Cydia Substrate។ រួចសូមចុចលើ កញ្ចប់ Cydia Substrate នេះ រួចរើសយក Modify -> Upgrade-> Confirm ដើម្បីដំឡើងវា។ បន្ទាប់មក ចុច Return to Cydia។
Fix-Thai-KB-to-KH

2. លុប ឃីប៊តចេញ: ចូលទៅ Manage-> Sources ចុចលើ Repo របស់ 4KhmeriPhone Team រួចរំកិល អេក្រង់ចុះក្រោម រកកញ្ចប់មួយឈ្មោះ iOS 7+ 5 rows iPhone Keyboard សំរាប់ អ្នកប្រើ iPhone ឬ iOS 7+ 4 Rows iPad Keyboard សំរាប់ អ្នកប្រើ iPad។ ចុចលើ កញ្ចប់ឃីប៊តនោះ រួចរើសយក Modify-> Remove។ បន្ទាប់មក ចុច Restart SpringBoard។
Fix-Thai-KB-to-KH

3. ដំឡើង ឃីប៊តសារជាថ្មី: ក្រោយ Restart SpringBoard រួចចូលមក Cydia វិញ ត្រង់កញ្ចប់ឃីប៊ត ហើយម្តងនេះ ចុចលើ Install-> Confirm ដើម្បីដំឡើងវា។ ពេលដំឡើងរួច ចុច Restart SpringBoard ជាការស្រេច។
Fix-Thai-KB-to-KH

4. ចូលទៅវាយ ឃីប៊តសាក នោះ វានឹងចេញជា អក្សរខ្មែរ មិនខាន៕

Fix-Thai-KB-to-KH

http://www.ioskhmer.com/2013/12/31/%E1%9E%9C%E1%9E%B7%E1%9E%92%E1%9E%B8%E1%9E%80%E1%9F%82-%E1%9E%83%E1%9E%B8%E1%9E%94%E1%9F%8A%E1%9E%8F%E1%9E%81%E1%9F%92%E1%9E%98%E1%9F%82%E1%9E%9A-%E1%9E%9C%E1%9E%B6%E1%9E%99%E1%9E%85%E1%9F%81%E1%9E%89/

Sunday, December 29, 2013

របៀបតម្លើង Version iOS 7 លើទូរស័ព្ទ iPhone 5

មួយ រយៈថ្មីៗនេះ ក្រុមហ៊ុន Apple ដាក់ចេញប្រកាសនូវប្រព័ន្ធប្រតិបត្តិការថ្មី នៃប្រភេទ iOS ដែលអាចប្រើប្រាស់បានជាមួយ iPhone 5, 4S, 4, iPad mini, iPad និង iPod touch 5 ។ មកដល់ថ្ងៃនេះ Apple បានចេញ iOS កំណែប្រែសាកល្បងលើកទី ៣ (Beta 3) សម្រាប់ដាក់ឲ្យ Developer ប្រើប្រាស់នឹងផ្តល់មតិ ចំពោះបទពិសោធនី ឬបញ្ហានានាដែលពួកគេបានជួបប្រទះ ។
ដើម្បីអាចតំឡើង iOS 7 ដោយខ្លួនអ្នក សម្រាប់សាកល្បង លោកអ្នកត្រូវទាញយក File iOS7 Beta 3 ជាមុនសិន ដែល File នោះមិនបានដាក់ឲ្យទាញយកជាសាធារណៈ នោះទេ! ប្រសិនបើលោកអ្នកចង់ចំនាយប្រាក់ដើម្បីសាកល្បង សូមចូលទៅកាន់ Developer Program រួច ចុះជាសមាជិក ដែលត្រូវចំណាយ ៩៩ ដុល្លារក្នុងមួយឆ្នាំ ។ ប៉ុន្តែប្រសិនបើ មិនចង់ចំណាយប្រាក់ទេ សូមចូលទៅរក នៅក្នុងគេហទំព័រប្រភេទ pirate files ដូចជា thepiratebay.sx ជាដើម ហើយវាយថា៖ iOS 7 Beta 3 ហើយធ្វើការទាញយកតាម file ប្រភេទ torrent ។

សូមចំណាំ៖ លោកអ្នកត្រូវប្រាកដថា អ្វីដែលលោកអ្នកធ្វើ គឺជាទំនួលខុសត្រូវរបស់ខ្លួនអ្នក ។

លោកអ្នកអាចស្វែងរកបានប្រសិនអ្នកមានគណនី Developer ដូចខាងក្រោម៖

មុននឹងចាប់ផ្តើមតំឡើង សូមលោកអ្នកស្វែងយល់ពីចំនុចមួយចំនួន ដែលអ្នកអាចនឹងជួបប្រទះ ក្រោយពេលតំឡើង កំណែប្រែសាកល្បងរបស់ Developer នេះ ។

លោកអ្នកនឹងមិនអាច Jailbreak បានទេ
សូម្បីភាសាខ្មែរ ក៏មិនអាចអានបានដែរ
បើមានការថ្លោះធ្លោយ ទូរស័ព្ទអ្នក អាចនឹងខូច Firmware ឬប្រព័ន្ធទាំងមូល
ទូរស័ព្ទអ្នកនឹងបាត់បង់ ការធានាពីហាងលក់
កម្មវិធីមួយចំនួន (ជាពិសេសកម្មវិធីចាស់ៗ) អាចនឹងមិនដំណើរការ ជាមួយ iOS 7 នេះដែរ ។

បន្ទាប់ពីទាញយកបាន file រួចហើយសូមចាប់ផ្តើម Upgrade iOS 6 របស់អ្នកមក iOS 7 វិញម្តង ។

ជំហានទី១៖

សូមបើកកម្មវិធី iTunes ហើយភ្ជាប់ខ្សែទូរស័ព្ទអ្នកនឹងកុំព្យូទ័រ រួចធ្វើការចម្លងរក្សាទុក (Backup) ដើម្បីធានាថា ប្រសិនបើមានបញ្ហាណាមួយកើតឡើងដោយចៃដន្យ នោះអ្នកនឹងមិនបាត់ឯកសារទេ ។
ios-6.1-backup

ចំណាំ៖ សូមកុំបិទទូរស័ព្ទ (សម្រាប់អ្នកទាញយកតាម torrent) ហើយភ្ជាប់ iTune ដើម្បី Upgrade ឲ្យសោះ នោះលោកអ្នកនឹង ត្រូវបំពេញ Developer Program ID ទើបទូរស័ព្ទ នោះអាច Active បាន ។ បើមិនអាច Active ឬ Active Fail លោកអ្នកនឹងមិនអាចប្រើប្រាស់ទូរស័ព្ទ បានទេ សូម្បីតែ Call ។

ប្រសិនបើអ្នកជួបបញ្ហានេះ សូម Restore ទូរស័ព្ទអ្នកមកវិញ ដោយបិទ និងភ្ជាប់មកកាន់ iTunes វានឹងបង្ហាញប៊ូតុង Restore ហើយធ្វើការទាញយក Firmware ដើមមកវិញ ។ ប្រសិនបើអ្នកចង់បាន ទិន្នន័យ និងកម្មវិធីមកវិញ សូមបន្តចូលទៅ iTunes ហើយ Restore ពីការ Backup ដោយបានធ្វើនៅជំហានទីមួយ ។

ជំហានទី២៖

សូមត្រឡប់មក Summary Tab ហើយចុច Shift សម្រាប់ Window ឬ Alt សម្រាប់ Mac ហើយចុចភ្ជាប់ជាមួយនឹងប៊ូតុង Check for update នោះវានឹងលោតផ្ទាំង ឲ្យអ្នករើស file iOS 7 beta 3 ដែលអ្នកបានទាញយកមករួចនោះ ។
ios-6.1-check-for_update

ជំហានទី៣៖

សូមរង់ចាំ រហូតដល់ដំណើរការបានបញ្ចប់ ។ វានឹង restart ទូរស័ព្ទអ្នក នោះអ្នកនឹងឃើញនូវផ្ទាំងស្វាគមន៍ថ្មី របស់ iOS7
Welcome_Screen

ជំហានទី៤៖

សូមធ្វើតាមការណែនាំ នៅក្នុងទូរស័ព្ទដៃអ្នក រហូតដល់ចប់ អ្នកនឹងឃើញផ្ទាំង អបអរសាទរ (Congratulation) ដែលមានន័យថា ទូរស័ព្ទអ្នក បាន Active និងប្រើប្រាស់បាន ជាមួយ iOS 7 ដោយជោគជ័យហើយ ។
សូមពិនិត្យមើល កំណែប្រែ iOS 7 ក្នុងទូរស័ព្ទអ្នក ។
iOS 7 Beta 3

សូមមើល Homescreen របស់ iOS 7

សម្រាប់ Feature ថ្មីៗ របស់ iOS 7 សូមចូលទៅមើលនៅ គេហទំព័រ Apple ។
ដកស្រង់៖សំបុកអាយធី ប្រកាសដោយ៖ ឈាង អិន

របៀបតម្លើង SBSetting សម្រាប់ iOS7

SBsettings-data-usage-toggle-548×400

សម្រាប់លោកអ្នកដែលតែងតែគាំទ្រ SBSetting តាំងពីជំនាន់ iOS 3 មកនោះ ហើយ សម្រាប់ iOS7 នៅពេលអ្នកតម្លើង Activator វាមិនអាចប្រើប្រាស់បានទេ។ តែពេលនេះខ្ញុំសូមបង្ហាញគន្លិះងាយៗ ដើម្បីតម្លើងនិង ប្រើប្រាស់ SBSetting សម្រាប់ iOS 7។
សូមធ្វើតាមដំណាក់កាល៖
សំគាល់៖ សម្រាប់អ្នកដែលកំពង់ប្រាស់ Activator មុនដែលមិន Supportជាមួយ iOS7 សូមលុប វាចេញសិន
១. សូមចូលទៅកាន់ Cydia ហើយបន្ថែមAdd Source ថ្មី គឺ rpetri.ch/repo
២. ហើយធ្វើការចូលទៅកាន់ Cydia>Source> rpetich repo> ហើយ តម្លើង Activator ដែលស្ថិតនៅខាងលើគេ ហើយធ្វើការ Respring

៣. បន្ទាប់មកទៀតចូរទៅកាន់ Cydia ហើយស្វែងរក SBSetting ហើយតម្លើង Repring ជាកាស្រេច។

នេះគឺលទ្ធផល (សូមអូសពីឆ្វេងមកស្តាំនៅលើ Status bar)

http://nokormusic.com/how-to-install-sbsetting-on-ios7/

តម្លើងអក្សរខ្មែរតែចេញ ថៃ សម្រាប់ iOS 7 [ដំណោះស្រាយ]

អ្វីដែលបងប្អូន រងចាំនោះគឺក្តាចុចខ្មែរ ដែលក្រុម 4KhmeriPhone បានចេញឲ្យប្រើប្រាស់ជាផ្លូវការ តែមានបញ្ហាខ្លះដែលកើតឡើង ដូចជាតម្លើងហើយ ចេញអក្សរថៃទៅវិញ។ ដូចនេះយើងមានដំណោះស្រាយ!
ទី១៖ ប្រាកដថា នៅក្នុង itools ចេញពាក្យ Jailbreak ថា “Yes” បើ NO សូមដោះស្រាយ ទីនេះ!

ទី២៖ ត្រូវប្រើប្រាស់ iToos ឬក៏ iFunbox ដើម្បីលុប Folder Apple.com.keyboards ដែលស្ថិតនៅក្នុង var/mobile/library/caches/com.apple.keyboards (ដូចរូប)
សូមធ្វើការចូលទៅលុប Folder “com.apple.keyboards”

ទី៣៖ សូមចូល ទៅលុប Mobile substrate ដែលស្ថិតនៅក្នុង Cydia >Manage> Packages> Mobile substrate

ហើយសូម Restart Springboard
ទី៤៖ បន្ទាប់មកទៀតសូមធ្វើការ លុបKeyboard ដែលយើងបានតម្លើងពីមុន ចេញភាសាថៃ

ហើយសូមធ្វើការ Reboot
ទី៥៖ សូមធ្វើការតម្លើង Khmer Keyboard ឡើងវិញ ហើយ ធ្វើការ Restart Springboard ជាការស្រេច។
សូមមើលលទ្ធផល៖

បើសិនជាមានជាចម្ងល់ ឬ មតិសូមធ្វើការសួរបាន ខ្ញុំនិងរងចាំទទួលជានិច្ច។អរគុណ

http://nokormusic.com/fix-khmer-keyboard-for-ios-7/

សម្រាប់អ្នកដែលJailbreak ហើយតែក្នុង iTools ដាក់ថា No

សម្រាប់ iDevices ដែលបាន Jailbreak ហើយតែ iTools បង្ហាថា No សូមធ្វើការចូលទៅ Cydia ហើយ ស្វែងរក afc2add ហើយតម្លើង Reboot ជាការស្រេច!
ការតម្លើង

លទ្ធផល៖

http://nokormusic.com/for-jailbroken-iphone-but-itools-appear-no/

Wednesday, December 25, 2013

ដំណោះស្រាយ Error 3194 ពេល Restore iPhones ក្នុង iTunes

ថ្មីៗនេះព័ត៌មានទាក់ទងនឹងការ Jailbreak ក្លាយជាព័ត៌មានពេញនិយមមួយដែលអ្នកអានភាគច្រើនតែងចាប់អារម្មណ៍ ។ សំបុកអាយធីក៏បានចេញផ្សាយអត្ថបទគន្លឹះមួយចំនួនទាក់ទងនឹង ដំណោះស្រាយនានា ដែលលោកអ្នកគួរសាកល្បងក្នុងការដោះស្រាយពេលមានបញ្ហានានា កើតឡើងក្នុងកំឡុងពេល និងក្រោយពេល Jailbreak ។

អត្ថបទគួរអាន៖ ដំណោះស្រាយពេល Jailbreak iOS 7 មិនបាន

មិត្តអ្នកអានមួយចំនួនបានផ្ញើសារមកសំបុកអាយធី ឲ្យជួយស្វែងរកដំណោះស្រាយទាក់ទងនឹង Error 3194 ដែលកើតឡើងនៅពេលដែលអ្នកធ្វើការ Restore iPhone នៅក្នុង iTunes មិនបានជោគជ័យ ។ ខាងក្រោមនេះជាគន្លឹះក្នុងការដោះស្រាយ ដែលលោកអ្នកអាចដោះស្រាយដោយខ្លួនផ្ទាល់ មិនចាំបាច់ចំណាយប្រាក់ទៅបង់ឲ្យសេវាជួសជុសឡើយ ។ សំបុកអាយធីសូមណែនាំលោកអ្នកពីរបៀប ជួសជុល Error 3194 នៅពេល Restore iPhone ក្នុង iTunes ។
iTunes-Error-3194 sombokit

Error 3194 កើតឡើងនៅពេលដែលអ្នកប្រើប្រាស់កម្មវិធីសម្រាប់ Jailbreak ដើម្បីធ្វើការកែប្រែ iOS Devices របស់អ្នក ។ នៅក្នុងដំណើរការ Jailbreak iPhone ឬ iPad របស់អ្នកចូលទៅកែប្រែ file មួយឈ្មោះថា hosts ដើម្បីបិទទំនាកទំនងជាមួយ Apple។ ដូចនេះនៅពេលក្រោយនៅពេលដែលអ្នកចង់ Update Version iOS, Backup ឬ Restore iOS របស់អ្នកអាចនឹងធ្វើឱ្យមានError 3194 នេះកើតឡើង ។
ជាទូទៅ Error 3194 នេះកើតឡើងនៅពេលដែលមានបញ្ហា Connection រវាង client នឹង host server ក្នុងពេលដែលអ្នកកំពុងតែ Update iOS , Backup ឬ Restore ។ ក្នុងករណីនេះអ្នកអាចចាប់ផ្តើមម្តងហើយម្តងទៀតនៅពេលក្រោយវាក៏អាច ដំណើរការដូចដើមឡើងវិញផងដែរ ។

របៀបដោះស្រាយ

សូមបិទ iTunes របស់អ្នក
ប្រសិនជាអ្នកប្រើ Macs សូមចូលទៅកាន់ /etc/hosts ឬ អ្នកប្រើប្រាស់ Windows សូមចូលទៅកាន់ c:\windows\system32\drivers\etc\hosts
ហើយសូមបើក file hosts ជាមួយ notepad ហើយ Copy “74.208.105.171 gs.apple.com“ ចូលទៅក្នុងfile hosts ហើយ save

សូម Connect iPhone ទៅនឹងកុំព្យូទ័ររបស់អ្នកហើយ សូមបើក iTunes
សូមចូលទៅកាន់ DFU mode ដោយបិទទូរស័ព្ទ ហើយចុច Power Buttonឱ្យជាប់ប្រហែលជា១០ វិនាទីហើយលែងវិញ បន្ទាប់មកចុចលើ Home Button រហូតដល់ iTunes ប្រាប់ថា iPhone របស់អ្នកនៅក្នុង Recover Mode ។
ប្រើប្រាស់ iTunes ដើម្បីធ្វើការ Restore Feature តាមធម្មតាជាមួយ iPhoneរបស់អ្នក
រូចហើយចូលទៅកាន់ hosts file ដើម្បីលុប “74.208.105.171 gs.apple.com” ហើយ Save ៕

គន្លឹះខាងលើនេះ ពិតជាអាចដោះស្រាយបញ្ហាលោកអ្នកបានហើយមែនទេ? ប្រសិនបើមានបញ្ហាអ្វីបន្ថែម សូមដាក់មតិក្នុងប្រអប់ខាងក្រោម សំបុកអាយធីនឹងព្យាយាមស្វែងរកដំណោះស្រាយជូនលោកអ្នក ។
http://www.sombokit.com/2013/12/25/resolved-error-3194-when-restore-iphones-in-itunes.html

Pages