ឥលូវនេះយើងអាច Jailbreak iOS8 និង តម្លើង Cydia បាន​ដោយ​ងាយ​ស្រួលហើយ

ប៉ុន្មានថ្ងៃចុងក្រោយនេះ ការ Jailbreak ពិតជាមានភាពឈឺក្បាល​ជា​ខ្លាំង ពោល​យើង​អាច Jailbreak iDevice ដែល​ដំណើរ​ការ​ដោយ iOS 8 បាន​ហើយ ប៉ុន្តែ​វា​មិន​បាន​ភ្ជាប់​មក​ជាមួយ​កម្មវិធី Cydia នោះទេ ដែល​តម្រូវ​អោយ​យើង​ធ្វើ​ការ​តម្លើង​មួយ​វិធី​ផ្សេង​ទៀត។ ដូច​តាម​ការ​សន្យា​របស់​ក្រុម Pangu អញ្ចឹង​ពោល​យើង​នឹង​អាច Jailbreak ហើយ​ក៏​តម្លើង​កម្មវិធី Cydia បាន​កាន់​តែ​ងាយ​ស្រួល​ថែម​ទៀត ដូច្នេះ​ហើយ​ប្រសិន​បើ​អ្នក​កំពុង​តែ​ស្រេក​ឃ្លាន​នូវ​ការ Jailbreak និង​កម្មវិធី Cydia សូម​តាម​ដាន​ពី​វិធីធ្វើ​ជាមួយ​យើង​ទាំង​អស់គ្នា។

បម្រាម

• សូមសាកល្បងដោយមានភាពទទួលខុសត្រូវខ្លួនឯង ព្រោះ​អី​វា​អាច​នឹង​មាន​បញ្ហា​បាន​កំឡុង​ពេល Jailbreak ដែល​តម្រូវ​អោយ​យើង​សម្អាត​ទូរស័ព្ទ (Restore) ដែល​នឹង​បាត់​បង់​ឯកសារ។
• ប្រសិនបើអ្នកបានអាប់ដេត iPhone, iPad, iPod អ្នក​តាម Setting > General > Software Update សូម​ធ្វើ​ការ​អាប់ដេត​ម្តង​ទៀត​តាម​រយៈ​កម្មវិធី iTunes លើ​កុំព្យូទ័រ ព្រោះ​អី​វា​អាច​នឹង​គាំង​បាន​កំឡុង​ពេល Jailbreak។

តម្រូវការ

• iPhone, iPad រឺ iPod Touch 5th ដែលដំណើរការដោយប្រព័ន្ធប្រតិបត្តិការណ៍ iOS 8 ឡើងទៅ
• ត្រូវតម្លើងកម្មវិធី iTunes ដាក់លើកុំព្យូទ័រអ្នកសិន Download
• ដោនឡូដកម្មវិធី Pangu សម្រាប់ Jailbreak
• សូមដោះលេខសំងាត់ (Passcode) ចេញពីទូរស័ព្ទអ្នក និងលុប iCloud ចេញសិន (ចូលទៅកាន់ Setting > iCloud > Remove account)

របៀបធ្វើ

• ដោត iDevice ដែលដំណើរការដោយ iOS 8 ទៅ​ក្នុង​កុំព្យូទ័រ រួច​បើក​កម្មវិធី Pangu ដែល​អ្នក​បាន​ដោនឡូដ​ខាងលើ
• ដោះធីកត្រង់លេខ 1 ដូចរូបខាងលើ ហើយ​ចុច​ប៊ូតុង​នៅ​ខាង​ក្រោម​ដើម្បី​ដំណើរ​ការ Jailbreak (ប្រសិន​បើ​បរាជ័យ សូម​ព្យាយាម Jailbreak ម្តង​ទៀត)
• បន្ទាប់ពីជោគជ័យហើយ អ្នកនឹង​ឃើញ​កម្មវិធី Pangu លោត​លើ​ផ្ទៃ iDevice អ្នក ដូច្នេះ​ហើយ​គ្រាន់​តែ​ចុច​លើ​វា រួច​ចុច​លើ​ពាក្យ Cydia និង install ទៅ​ជា​ការស្រេច។
• បន្ទាប់ពី Install រួចហើយអ្នកនឹង​ឃើញ​កម្មវិធី Cydia លោត​ឡើង​លើ​ផ្ទៃ​អេក្រង់​អ្នក ដូច្នេះ​ហើយ​សូម​បើក​វា រង់ចាំ​អោយ​វា​ដំណើរ​ការ​មួយ​ភ្លែត​ទៅ​ជា​ការស្រេច។

គូសបញ្ជាក់ផងដែរថា មកទល់ពេលនេះ Tweak ដែលអាច​ដំណើរ​ការ​បាន​ជាមួយ​ប្រព័ន្ធ​ប្រតិបត្តិ​ការណ៍ iOS 8 គឺ​មាន​មួយ​ចំនួន​តែ​ប៉ុណ្ណោះ ហេតុ​ដូច្នេះ​ហើយ​មុន​នឹង​អ្នក​តម្លើង​អ្វី​មួយ សូម​ប្រាកដ​ថា​វា​នឹង​គ្មាន​បញ្ហា។ អ្នក​ទាំង​អស់​គ្នា​អាច​ឆែក​មើល Tweak ជា​ច្រើន​នេះ​បាន ដែល​វា​អាច​ប្រើ​ជាមួយ iOS 8 បាន ហើយ​សម្រាប់​ពុម្ព​អក្សរ​ខ្មែរ និង​ក្តារ​ចុច​ខ្មែរ​វិញ អ្នក​អាច​សាក​ល្បង​ដោន​ឡូដ​ចេញ​ពី Source នេះ​បាន (http://samnang.myrepospace.com)។ 

http://www.cambo-report.com/news4/JB-Cydia-iOS8.aspx

របៀបតម្លើងនិងប្រើប្រាស់ក្ដារចុចខ្មែរ iKeyKhmer

បន្ទាប់ពីក្រុមហ៊ុនផ្លែប៉មបានបញ្ចេញ iOS 8 និងអនុញ្ញាតិឲ្យតម្លើងកម្មវិធីក្តារចុច ភាគីទីបីបាន​ និងអាចប្រើបានលើគ្រប់កម្មវិធីទាំងអស់​សម្រាប់ iPhone និង iPad ។
ក្រុម 4KhmeriPhone បានបង្កើតកម្មវិធីក្ដារចុចខ្មែរឈ្មោះ iKeyKhmer version 1.0 ដែលមាន៥ជួរ ដោយភ្ជាប់ជាមួយនឹងការណែនាំពាក្យ (word suggestion) និងបានបញ្ចូល Unicode zero space ដែលងាយស្រួលក្នុងការវាយអក្សរខ្មែរនិងប្រើប្រាស់ការណែនាំពាក្យ ។ កម្មវិធីអាច ទាញយកបានពី AppStore ។

ក្រុមរបស់យើងបានបញ្ចូលវចនានុក្រមសម្រាប់ការណែនាំពាក្យត្រឹមអក្សរ ‘ថ’ ប៉ុណ្ណោះ ដោយសារក្រុមយើងត្រូវការពេលវេលាច្រើនក្នុងការ បញ្ចប់វា ។
ក្រុមរបស់យើងនឹងធ្វើបច្ចុប្បន្នភាពនៅជំនាន់បន្ទាប់ 1.0.1 ដោយនឹងដាក់បញ្ចូលក្តារចុចខ្មែរ ៤ជួរបន្ថែមទៀតនៅពេលក្រោយ និងកែតំរូវ​ bugs ។
របៀបតម្លើងក្ដារចុចខ្មែរ iKeyKhmer
១. ចូលទៅ AppStore ហើយស្វែងរក App ឈ្មោះ iKeyKhmer
២. តម្លើង App ឈ្មោះ iKeyKhmer

៣. បន្ទាប់ពីតម្លើងរួចចូលទៅ Settings -> General -> Keyboard -> Add New Keyboard…


៤. ជ្រើសរើស ‘iKeyKhmer’ និង ជ្រើសរើស ‘iKeyKhmer 5Row’

៦. បើក Enable ‘iKeyKhmer 5Row’​ និងបើក Enable ‘‘Allow full accesse’ ដោយចុចនៅលើ iKeyKhmer 5Row

៨. សូមអបអរសាទរ និងសប្បាយរីករាយក្នុងការប្រើប្រាស់ក្ដារចុចខ្មែរ

របៀបប្រើប្រាស់ក្ដារចុចខ្មែរ iKeyKhmer
ក្រុមរបស់យើងបានបន្ថែម features មួយចំនួនទៅក្នុងកម្មវិធីក្ដារចុចនេះ ដូចជា៖ ការណែនាំ ពាក្យ ភ្ជាប់ជាមួយ zero space​ សញ្ញាព្រួញសម្រាប់រំកិល cursor និង​ Capslock ។
ដោយសារយើងមិនធ្លាប់ប្រើពីមុនមកវាមានការលំបាកបន្តិច​ក្នុងការប្រើប្រាស់ ប៉ុន្តែវាមាន​គុណប្រយោជន៍ក្នុងការប្រើប្រាស់វា ។
១. ការប្រើក្ដារចុចខ្មែរជាមួយការណែនាំពាក្យនិង zero space​៖​ នៅពេលអ្នកវាយអក្សរខ្មែររួច​ឃើញពាក្យអ្នកចង់បាននៅក្នុងប្រអប់៤ខាងលើក្ដារចុច អ្នកត្រូវ​ចុចយកពាក្យនោះ​ ដែល ពាក្យនេះមានភ្ជាប់ជាមួយ zero space​​ ​រួចហើយ​ ។ បើសិនជាអ្នកវាយពាក្យខ្មែរ ដោយមិនចុច យកពាក្យទាំងនេះទេ​ វានឹងផ្ទុកអក្សរច្រើននៅក្នុងប្រអប់តែមួយ ហើយវានឹងធ្វើឲ្យក្ដារចុចគាំង ដោយសារ​ទំហំនៃប្រអប់មានកំរិតតូចក្នុងការផ្ទុកតួអក្សរ ។​ សូមមើលរូបភាពខាងក្រោម៖

២. របៀបប្រើ Capslock៖ ក្នុងករណីអ្នកចង់វាងអក្សរខ្មែរនៅផ្ទាំង Shift ប្រើសញ្ញាព្រួញ ដើម្បី រំកិល ​cursor (ចំពោះក្ដារចុច៥ជួរ) ហើយមិនចង់ឲ្យក្ដារចុច​លោត​​ត្រឡប់ទៅផ្ទាំងធម្មតាវិញ នោះអ្នកត្រូវប្រើ Capslock ។ អ្នកត្រូវចុចជាប់គ្នាពីដងនៅលើ​ ប៊ូតុង Shift នោះអ្នកនឹងទទួល​បាន Capslock ហើយ ។ សូមមើលរូបភាពខាងក្រោម៖

Bug ដែលយើងបានដឹងនឹងកំពុងកែសំរួល៖
ពុម្ភអក្សរខ្មែដែលមានរង្វង់នៅកណ្ដាលដូចជា៖ ោ ុំ ៀ ជាដើម​ និងការបន្ថែមវចនានុក្រម​ណែនាំពាក្យ​ អាចនាំឲ្យជាប់គាំងក្ដារចុចនៅពេលខ្លះ ។ យើងនឹងធ្វើការកែសំរួល​នៅជំនាន់ក្រោយ។
របៀបដោះស្រាយនៅពេលអ្នកជួបការជាប់គាំងក្ដារចុចខ្មែរ៖
១. refresh/restart iPhone/iPad របស់អ្នក ឬចូលទៅ Settings ដកក្ដារចុចខ្មែរចេញរួច តម្លើងឡើងវិញ នោះអាចប្រើប្រាស់ឡើងវិញបាន ៕

http://4khmeriphone.com/?p=80