| បច្ចេកវិទ្យា

Saturday, December 13, 2014

ពិនិត្យមើល រយៈពេលធានានៅលើ Apple Device

លោកអ្នកកំពុងតែប្រើប្រាស់ផលិតផលរបស់ Apple ប្រហែលជាមិនបានខ្វល់ខ្វាយថា តើទួរស័ព្ទរបស់អ្នកផុតកំណត់ពេលវេលាដែលក្រុមហ៊ុនបានធានា សេវាកម្មទៅលើ iPhone, iPad, iPod Touch, MacBook Pro របស់លោកអ្នកទេ ។ ក្រុមហ៊ុន Apple បានធានាទៅលើសេវាកម្មទៅដល់អតិថិជនរបស់ខ្លួនក្នុងទៅលើ រាល់ការទិញក្នុងរយៈពេលមួយឆ្នាំ នឹងបានផ្តល់ភាពងាយស្រួលដល់អ្នកប្រើប្រាស់ក្នុងការត្រួតពិនិត្យមើលថា តើរយៈពេលកំណត់ក្នុងការធានានោះចប់ ឬនៅតាមរយៈទំព័រ Apple Support ។

: ការធានាមានគ្រប់យ៉ាង ព្រោះទើបតែទិញថ្មី

សេវាទាំងនោះមានដូចជា៖

Telephone Technical Support៖ លោកអ្នកអាចតេទៅ Support នៅក្រុមហ៊ុន Apple ផ្ទាល់ពីចម្ងល់ និងដំណោះស្រាយបញ្ហានានា រយៈពេល ៩០ថ្ងៃ រាប់ចាប់ពីថ្ងៃទិញ និង Activated Device ដំបូង ។
Repairs and Service Coverage៖ ជាសេវាដ៏ពិសេសមួយ ដែលលោកអ្នកអាចយកទៅក្រុមហ៊ុន Apple ឲ្យធ្វើការជួសជុល ឬដូរថ្មីក្នុងករណី Hardware មានបញ្ហា ដូចជា ខូច Hard Disk របស់ Mac, សាកថ្មមិនចូល iPad ឬ ខូច Wifi របស់ iPhone ជាដើម ។ ការធានានេះមានរយៈពេល ១ឆ្នាំពេញ រាប់ចាប់ពីថ្ងៃទិញ និង Activated ដំបូង ។

ចំណាំ៖ សេវានេះត្រូវបានផ្តល់ជូនជាសាធារណៈ និងអន្តរជាតិរាល់ក្រុមហ៊ុន Apple ទោះនៅអាមេរិក សិង្ហបូរី ក៏លោកអ្នកអាចយកទៅជួសជុលបានដែរ (កុំភ្លេចថ្លៃសំបុត្រយន្តហោះ) ។

ការត្រួតពិនិត្យទៅលើរយៈពេលធានានេះ គឺលោកអ្នកគ្រាន់តែវាយបញ្ជួលនូវលេខ Serial Number របស់ Device របស់អ្នកដាក់ចូលប្រអប់ស្វែរកមួយ ដែលលោកអ្នកអាចចុចលើ តំណភ្ជាប់នេះ នោះលោកអ្នកនឹងអាចមើលដឹងថាតើ iPhone ឬ iPad របស់អ្នកផុតកំណត់ធានាហើយឬនៅ ។
Check_Warranty_Status

ដើម្បីមើល Serial Number របស់ iPhone របស់អ្នកសូមចូលទៅកាន់ Setting => General => About ហើយ Scroll ចុះទៅក្រោមរកមើលពាក្យថា Serial Number ហើយ Tab ឱ្យជាប់នៅលើលេខ Serial ដែលនៅខាងស្តាំនោះហើយយកពាក្យ Copy ។

សូម Paste Serial Number របស់ Apple Device លោកអ្នកដាក់ទៅក្នុងប្រអប់ខាងលើ ហើយចុច Continue នោះលោកអ្នកនឹងបានឃើញ ពីពត៌មានពីការកំណត់រយៈពេលធានារបស់ iPhone iPad របស់អ្នកដូចរូបខាងក្រោមនេះ

ប្រសិនបើ Device លោកអ្នកទិញប្រើយូរហើយ នោះវានឹងបង្ហាញពីព័ត៌មានដែលហួសសពុលភាព ដូចរូបខាងក្រោម៖

ហួសកំណត់ពីរចំណុចសំខាន់ៗ ព្រោះទិញជាងមួយឆ្នាំហើយ!

លោកអ្នកអាចពិនិត្យមើលលេខ Serial ឲ្យច្បាស់លាស់មុននឹងសម្រេចចិត្តទិញផលិតផល Apple ណាមួយដោយមិនចាំបាច់ បើកមើលខាងក្នុង ។

http://www.sombokit.com/2014/01/21/check-warranty-status-apple-device.html

Friday, December 12, 2014

ធុញទ្រាន់នឹង friend នៅលើ Facebook ចង់ Unfriend តែខ្លាចមិនសម អីចឹងសូមអនុវត្តតាមគន្លឹះនេះអាចដោះស្រាយបាន

ទន្ទឹម Facebook ជាបណ្ដាញសង្គមផ្ដល់អត្ថប្រយោជន៍ច្រើនលើសពីការភ្ជាប់ទំនាក់ទំនងរវាងមនុស្សឆ្លងប្រទេស ឆ្លងទ្វីប តែសេវាកម្មដែលកំពុងមានអ្នកប្រើជាង ៨០០លានគណនីរៀងរាល់ថ្ងៃនេះ ក៏អាចធ្វើឱ្យអ្នកប្រើមានភាពធុញទ្រាន់ដោយសារ friend របស់គេផងដែរ។ ដោយសារបច្ចេកវិទ្យាជឿនលឿន សព្វថ្ងៃបណ្ដាញសង្គមពិតជាបានរួមចំណែកផ្ដល់ភាពងាយស្រួលដល់អ្នកប្រើយ៉ាងច្រើន ជាក់ស្ដែងអាចចែករំលែកចំណេះដឹង និងព័ត៌មានផ្សេងៗទាំងក្នុងប្រទេស និងអន្តរជាតិបានទាន់ហេតុការណ៍ភ្លាមៗ។ យ៉ាងណា អ្នកប្រើអាចនឹងវិលមុខដោយសារមាន friend តែងតែបង្ហោះ status ឬព័ត៌មានឥតបានគេ ដែលនាំភាពស្មុគស្មាញដល់លោកអ្នក។ ចុះតើត្រូវ Unfriend ឬយ៉ាងណា? តើការ Unfriend ពិតជាវិធីសាស្ត្រល្អឬ? ចុះតើលោកអ្នកមិនខ្លាចប៉ះពាល់មិត្តភាពទេ?

តាមការសិក្សាស្រាវជ្រាវបង្ហាញថា ដើម្បីឱ្យការប្រើបណ្ដាញសង្គម Facebook ផ្ដល់អត្ថប្រយោជន៍ និងមិនធ្វើឱ្យលោកអ្នកជិនណាយ គឺត្រូវ៖ (១)-ចេះជ្រើសរើសពេលវេលាស័ក្ដិសមដើម្បីលេង (២)- Add និងទុកតែ friend ណាអ្នកស្គាល់ច្បាស់ និងចង់រក្សាទំនាក់ទំនងល្អ ហើយ unfriend អ្នកដែលមិនស្គាល់ និងមិនធ្លាប់ភ្ជាប់ទំនាក់ទំនងទាល់តែសោះ (៣) ចុច Like ទំព័រ (Page) និងចូលរួម (join) ក្រុម (Group) ដែលផ្ដល់អត្ថប្រយោជន៍ត្រូវនឹងអ្វីដែលអ្នកចង់បាន ហើយ Unlike ទំព័រ និង Leave ក្រុមដែលគ្មានប្រយោជន៍។ នៅមានវិធីសាស្ត្រផ្សេងៗទៀតដើម្បីទទួលបានប្រយោជន៍ពីបណ្ដាញសង្គម។

... បើគិតថា Facebook ធ្វើឱ្យខាតពេលឥតប្រយោជន៍ អីចឹងលោកអ្នកសាកមកអនុវត្ត ៥ចំណុចនេះដើម្បីឱ្យមានប្រយោជន៍វិញ ...

ចុះសម្រាប់លោកអ្នកដែល មិនហ៊ាន Unfriend ដោយសារគិតថា ជាទង្វើហួសហេតុមិនសមនឹងធ្វើ ម្យ៉ាងគិតថា ពិបាកនឹងមើលមុខគ្នាចំ តើត្រូវធ្វើដូចម្ដេច? ទំព័រនេះ យើងសូមបង្ហាញគន្លឹះសាមញ្ញដើម្បីដោះស្រាយបញ្ហានេះជូនលោកអ្នកបាន។ ខាងក្រោមនេះ គឺជាគន្លឹះដើម្បីបញ្ឈប់ការបង្ហាញ Post របស់ friend ណាមួយដែលលោកអ្នកមិនត្រូវការមើលឃើញ ដោយមិនចាំបាច់ Unfriend ឡើយ។

វិធីទី១៖ នៅលើ News Feed លោកអ្នកគ្រាន់តែរកមើល Post របស់ friend ណាដែលអ្នកមិនចង់ឃើញ ហើយចង់បិទមិនឱ្យបង្ហាញនៅពេលគេបង្ហាះ status លើកក្រោយៗទៀត រួចហើយចុចលើ សញ្ញាព្រួញនៅផ្នែកខាងស្ដាំនៃ Post រួចរើសយក Unfollow [ឈ្មោះ friend] ជាការស្រេច។

វិធីទី២៖ ចូលទៅ Wall របស់ friend នោះរួចហើយ រកមើលបើឃើញប៊ូតុង Following សូមចុចលើនោះម្ដង ដើម្បីប្ដូរទៅជាប៊ូតុង Follow វិញ។ នេះគឺមានន័យថា លោកអ្នកកំពុងដកការបង្ហាញ Post របស់ friend ម្នាក់នោះ មិនលើគណនី Facebook របស់ខ្លួនហើយ។ ដូច្នេះរាល់ការ Post របស់ friend ម្នាក់នោះ នឹងលែងបង្ហាញនៅលើ News Feed របស់អ្នក៕

សាកល្បងអនុវត្តម្ដងមើល៍ តើបានផលឬយ៉ាងណា?

... Facebook ប្រសិនបើមាន ៤ចំណុចនេះទៀត នឹងធ្វើឱ្យ User បាក់ចិត្តស្ដូកមកប្រើកាន់តែខ្លាំង ...
... របៀបលាក់មិនឱ្យ Friend អ្នកដឹងថា អ្នកបានអានសារ Facebook របស់គេនៅលើទូរស័ព្ទ និងកុំព្យូទ័រ ...

http://www.thebnews.com/news/7131/

Friday, November 28, 2014

ត្រឹមតែបីចំនុចនេះ អ្នកអាចដឹងថាមានអ្នកដទៃលួចប្រើគណនី Facebook អ្នក ឬអត់បានភ្លាម!

បណ្តាញសង្គម Facebook កំពុងតែពេញនិយមជាអន្តរជាតិ សូម្បីតែប្រទេសកម្ពុជាក៏មានសំណាក់មហាជនប្រើប្រាស់ច្រើនដែរ សព្វថ្ងៃនេះ។ ពួកគេអាចប្រើប្រាស់បណ្តាញសង្គមនេះសំរាប់ការទំនាក់ទំនង តាមរយៈជំនួញ (ការលក់របស់អនឡាញជាដើម), ការផ្សព្វផ្សាយ (ឃោសនាពីផលិតផលផ្សេងៗ), ការរាប់អាន និងការរក្សាមិត្តភាព។ ដូចនេះហើយមិត្តអ្នកអានដែលកំពុងតែប្រើប្រាស់បណ្តាញសង្គម Facebook ត្រូវតែចាប់អារម្មណ៍ និងការពារគណនី Facebook របស់អ្នកកុំឲ្យបាត់បង់ និងកុំអោយអ្នកផ្សេងដឹងពីលេខសម្ងាត់ឲ្យសោះ។

នៅពេលនេះ យើងនឹងបង្ហាញពីការពិនិត្យមើល ថាតើមានឧបករណ៍អ្វីខ្លះដែលបាន Log ចូលប្រើប្រាស់គណនីរបស់អ្នកទាំងអស់គ្នា ហើយអ្នកអាចដាក់ជាការផ្តល់ដំណឹងនៅពេលដែលមានឧបករណ៍ផ្សេងៗ Log ចូលគណនីរបស់អ្នកបានថែមទៀតផង។ ដូចនេះសូមអានការណែនាំនៅខាងក្រោម៖

1. ដាក់ការផ្តល់ដំណឹង

ត្រូវឲ្យអ្នកចូលទៅកាន់ Setting => Security រួចជ្រើសរើសយក Login Alerts បន្ទាប់នៅត្រង់ចំនុចនេះដដែល អ្នកអាចធីកត្រង់ Get notification (នៅពេលដែលមានឧបករណ៍ផ្សេងៗដែល Log ចូលលើកដំបូងវានឹងផ្តល់ជាដំណឹងនៅត្រង់ Notification បានភ្លាម)
បើសិនជាអ្នកធីកត្រង់ Email login to email (អ្នកនឹងទទួលបានជាសារផ្តល់ដំណឹងនៅក្នុង email របស់អ្នកវិញ នៅពេលដែលមានឧបករណ៍ផ្សេងៗដែល Log ចូលលើកដំបូង)
បើសិនជាអ្នកធីកត្រង់ Text login alerts to.. អ្នកត្រូវដាក់លេខទូរស័ព្ទរបស់អ្នក ហើយត្រូវបានបញ្ជាក់ដោយ Facebook បានត្រឹមត្រូវ ទើបនៅពេលដែលមានឧបករណ៍ផ្សេងៗដែល Log ចូលលើកដំបូង វានឹងផ្ញើសារទៅកាន់លេខទូរស័ព្ទរបស់អ្នកតែម្តង។

2. ដាក់ឧបករណ៍ដែលយើងអាចជឿជាក់បាន

ត្រូវឲ្យអ្នកចូលទៅកាន់ Setting => Security រួចជ្រើសរើសយក Trusted Browsers
នៅពេលដែលអ្នកបានប្រើប្រាស់ឧបករណ៍របស់អ្នក Log ចូលដំបូង Facebook ច្បាស់ជាសួរ ឲ្យអ្នក Save Browser ឬ Never ដូចនេះបើសិនជាអ្នកយក Save browser បន្ទាប់លើកក្រោយទៀត ឧបករណ៍ ឬ Browser នោះនឹងចូលត្រង់ Trusted Browsers នេះ ហើយមិនចាំបាច់ Save ម្តងទៀតទេ នៅពេលដែលអ្នក Log ចូលម្តងទៀត។

3. មើលពីទីតាំង និងឧបករណ៍ដែលបាន Log ចូលគណនាយើងហើយ

ត្រូវឲ្យអ្នកចូលទៅកាន់ Setting => Security រួចជ្រើសរើសយក Where You’re Logged In
ត្រង់ចំនុចនេះពិតជាសំខាន់ វាអាចបង្ហាញអ្នកពីឧបករណ៍ទាំងអស់ដែលបាន Log ចូលគណនី Facebook របស់អ្នក ទាំងទីតាំង, ឈ្មោះ Browser, ថ្ងៃខែឆ្នាំ, ម៉ោង និងប្រព័ន្ធប្រតិបត្តិការ ទៀតផង ដូចនេះអ្នកត្រូវចាប់អារម្មណ៍ត្រង់កន្លែងនេះបន្តិច ដោយសារអ្នកដែលលួចចូលអាចលុបសកម្មភាពនេះបាន។

បើសិនជាអ្នកដឹងត្រឹមតែបីចំនុចខាងលើនេះ ក៏អាចការពារខ្លួនអ្នក និងដឹងពីការលួចប្រើប្រាស់របស់អ្នកដទៃបានផងដែរ។ សូមសាកមើល ថាតើនៅត្រង់ចំនុចទី 2 ឬទី 3 មានឧបករណ៍ដែលអ្នកមិនបានស្គាល់ដែរ ឬអត់? បើសិនជាមានមែន សូមអ្នកផ្លាស់ប្តូរ email ឬលេខសម្ងាត់ ឬទូរស័ព្ទរបស់អ្នកចេញជាប្រញាប់ដើម្បីជៀសវាងការបន្លំ ឬការប៉ុនប៉ងធ្វើអ្វីមិនល្អពីសំណាក់អ្នកដែលលួចប្រើនោះ ទៅលើអ្នកក៏ថាបាន។

http://www.cambo-report.com/news6/Facebook-Login.aspx

Wednesday, November 19, 2014

ដោះស្រាយបញ្ហា Wifi មានល្បឿនយឺតលើ iPhone និង iPad ដំណើរការដោយ iOS 8 និង 8.1

iOS 8 និង 8.1 បើទោះបីវាជាជំនាន់ប្រតិបត្តិការថ្មីក៏ពិតមែន តែ Apple នៅមានកំហុសឆ្គងមួយចំនួនពុំទាន់បានដោះស្រាយអស់នៅឡើយ តែការ Update ពី iOS មួយជំនាន់ទៅមួយជំនាន់តែងតែមានការប្រែប្រួល ធ្វើយ៉ាងណាអោយអ្នកប្រើប្រាស់ទទួលបានភាពប្រសើរ គ្មានបញ្ហាអ្វីត្រូវកត់សំគាល់។ បើទោះបីជាយ៉ាងនេះក្ដី ក៏យើងនៅឃើញមានអតិថិជន Apple មួយចំនួនតូច បានរាយការណ៍មកថា ពួកគេមានបញ្ហាល្បឿន Wifi នៅលើស្មាតហ្វូន និងថេប្លេតរបស់ពួកគេ ដែលកំពុងដំណើរការដោយប្រព័ន្ធប្រតិបតិ្តការ iOS 8 និង 8.1 បើទោះបីជាល្បឿន Internet ពួកគេរហ័សយ៉ាងណាក៏ដោយ ហេតុនេះបើប្រិយមិត្តកំពុងប្រើប្រាស់ iPhone និង iPad ដំណើរការដោយ iOS 8 និង 8.1 ទាំងអស់កំពុងជួបប្រទះ ឬគិតថាល្បឿន Wifi របស់អ្នកដំណើរការយឺតខុសពី iOS 7 សូមធ្វើតាមការណែនាំដូចខាងក្រោម។

បញ្ជាក់៖ សម្រាប់អ្នកដែលគ្មានបញ្ហាល្បឿន Wifi យឺតគួរអោយកត់សំគាល់នោះ ពុំចាំបាច់ធ្វើតាមដំណោះស្រាយខាងក្រោមឡើយ!

ដំណោះស្រាយ

ចូលទៅកាន់ Settings របស់ iPhone ឬ iPad របស់អ្នក
ចុចប៊ូតុងមុខងារ Wi-Fi ហើយ បើកអោយវាដំណើរការ
សូមជ្រើសរើសយក Router ឬ ឈ្មោះ Wifi ដែលអ្នកចង់តភ្ជាប់ (Connect)
បន្ទាប់មកចុចសញ្ញា “i” ដូចរូបភាពខាងក្រោម
ចុងក្រោយ សូមចូលទៅកាន់ Bar ឈ្មោះ DNS បន្ទាប់មកវាយលេខ 8.8.8.8, 8.8.4.4 ហើយចុចត្រឡប់មកវិញបន្ទាប់មកភ្ជាប់ម៉ាស៊ីនរបស់អ្នកទៅកាន់ Wifi ជាការស្រេច។

គួរបញ្ជាក់ប្រាប់ប្រិយមិត្តអោយបានដឹងផងដែរថា ការដោះស្រាយបញ្ហាល្បឿន Wifi ដែលបានរៀបរាប់ខាងលើនេះ គឺជាការដោះស្រាយបញ្ហាធំមួយរបស់ Google តែម្ដង ដែលប្រើដើម្បីដោះស្រាយបញ្ហាល្បឿនទៅលើការ Loading Page និងកាលៈទេសៈមួយចំនួនទៀត ហើយវាក៏អាចនឹងជួយទៅដល់អ្នកមានបញ្ហាល្បឿន Wifi ដើរយឺតទៅដល់អ្នកប្រើប្រាស់ iPhone និង iPad ផងដែរ តែវានឹងពុំអាចជួយទៅដល់ម៉ាស៊ីនណាដែលមានកម្លាំង Wifi ខ្សោយនោះទេ ដូច្នេះសូមប្រិយមិត្តកុំយល់ច្រឡំអោយសោះ។ សង្ឃឹមថាប្រិយមិត្តដែលមានបញ្ហាដូចបានរៀបរាប់ខាងលើ នឹងអាចដោះស្រាយល្បឿន Wifi បានគ្រប់ៗគ្នា តែខ្ញុំជឿថាចំនួនបញ្ហាគឺមានកម្រិតទាបបំផុត!

http://www.cambo-report.com/news4/Fixed-Wifi-iOS8.aspx

Friday, November 14, 2014

គន្លឹះងាយៗក្នុងការប្រើ Facebook Chat ដោយមិនចាំបាច់ប្រើកម្មវិធី Messanger នៅក្នុង iOS

Facebook គឺជាបណ្តាញសង្គមយក្សមួយ ដែលមានមនុស្សប្រើប្រាស់រាប់កោដ្ឋអ្នកជុំវិញពិភពលោក។ Facebook បានផ្តល់អត្ថប្រយោជន៍ជាច្រើនដល់អ្នកប្រើប្រាស់ ដូចជាការផ្តល់ទំនាក់ទំនងបានជិតស្និទ្ធ និងឆាប់រហ័ស ការផ្ញើឯកសារ ការជជេកកម្សាន្ត ការផ្សព្វផ្សាយពាណិជ្ជកម្ម និងការកម្សាន្តមួយចំនួនទៀតជាដើម។

ការប្រើប្រាស់ Facebook មានភាពទូលំទូលាយ និងមានលក្ខណៈជាសកល។ បច្ចុប្បន្ននេះ Facebook តម្រូវឲ្យអ្នកប្រើប្រាស់ទាំងអស់ ប្រើប្រាស់កម្មវិធី Messanger ដែលមានមុខងារក្នុងការ Chat និង Call តែប៉ុណ្ណោះ ដែលវា ដាច់ដោយឡែកពីកម្មវិធី Facebook ជំនាន់មុនដែលអាចប្រើប្រាស់បានទូលំទូលាយ និងគ្រប់យ៉ាងរួមបញ្ចូលតែមួយ។ ដូចនេះ អ្នកប្រើប្រាស់ចាំបាច់មានកម្មវិធីពីរក្នុងស្មាតហ្វូន ឬថេប្លេតរបស់គេ ក្នុងការប្រើ Facebook ឲ្យបានពេញលេញ។ បើតាមសម្តីរបស់លោក Mark Zuckerberg បានបញ្ជាក់ថា ការញែកចេញដាច់ជាពីរ រវាងកម្មវិធី Facebook និង Messanger មានសារៈសំខាន់ និងផ្តល់នូវគុណប្រយោជន៍បានច្រើនជាងមុន ដែលវាអនុញ្ញាត ឲ្យអ្នកប្រើប្រាស់ ទទួលបាននូវមុខងារ និងលក្ខណៈពិសេស ថ្មីសម្បូរបែប និងមានការបែងចែកច្បាស់រវាងការ Chat និងការលេងធម្មតាតាមរយៈ Comment ជាដើម។ ម៉្យាងកម្មវិធីទាំងពីរនេះដំណើរការបានលឿនជាងមុន និងមានប្រសិទ្ធភាព។

ថ្វីបើ CEO របស់ Facebook, លោក Mark Zuckerberg បានលើកឡើងយ៉ាងដូច្នេះមែន ប៉ុន្តែក៏នៅតែមានអ្នកប្រើប្រាស់មួយចំនួនធំ សម្តែងការមិនពេញចិត្ត តាំងពីមានវត្តមាន កម្មវិធី Messanger ជំនាន់ក្រោយនេះ ព្រោះវាតម្រូវឲ្យពួកគេ Switch ទៅមក នៅពេលគេចង់លេង Chat បណ្តើរ និង Comment បណ្តើរ។ ចុះប្រិយមិត្តខេមបូវិញ មានការធុញទ្រាន់ក្នុងការប្រើប្រាស់ Messanger និងការ Switch ទៅមកនេះដែរឬទេ? ក្នុងថ្ងៃនេះដែរ ក្រុមការងារយើងខ្ញុំ នឹងលើកយក Tweak មួយសម្រាប់ iOS ក្នុងការបញ្ឈប់ការ Switch របស់ Messanger ដែលលោកអ្នកអាចប្រើប្រាស់ កម្មវិធី Facebook តែមួយក្នុងការ Chat ផងដែរ។

តម្រូវការ

iPhone និង iPad ដំណើរការដោយប្រព័ន្ធប្រតិបត្តិការណ៍ iOS 7 និង iOS 8 ដែលបាន Jailbreak រួច

វិធីសាស្ត្រ

ជាដំបូងអ្នកត្រូវ លុបកម្មវិធី Messanger ចោលពីក្នុង iPhone និង iPad របស់អ្នកជាមុនសិន
បន្ទាប់មកទៀតចូលទៅក្នុង Cydia => រួចធ្វើការ Search ជាមួយនឹង Keyword “FbNoNeedMessanger”
ធ្វើការតម្លើង FbNoNeedMessanger ទៅក្នុង Cydia របស់អ្នក
ធ្វើការ Restart Springboard ជាការស្រេច។

បញ្ជាក់

បើសិនជាអ្នកមិនអាចស្វែងរកឃើញ FbNoNeedMessanger នៅក្នុង Cydia របស់អ្នកទេ សូមធ្វើការ Refresh cydia និងស្វែងរកម្តងទៀត។

ខេមបូរីផត សង្ឃឹមថាប្រិយមិត្តទាំងអស់គ្នា ប្រាកដជាអាចតម្លើង Tweak មួយនេះបាន ហើយក៏សូមចូលរួមអបអរសាទរផងដែរ ក្នុងការដោះស្រាយបញ្ហា Switch ទៅមកដ៏គួរឲ្យធុញទ្រាន់មួយនេះ ។ ចំពោះ Android, យើងនឹងស្វែងរកវិធីសាស្ត្រ ក្នុងការដោះស្រាយបញ្ហាដូចគ្នានេះ និងលើកមកបង្ហាញជូននៅពេលក្រោយ។

http://www.cambo-report.com/news4/Fb-No-Messanger.aspx

Thursday, November 6, 2014

តោះរៀន Restore ឬ ដំឡើង Version ប្រព័ន្ធប្រតិបត្តិការ iOS 8.1 ទាំងអស់គ្នា

ការ Restore ឬ ដំឡើង Version ប្រព័ន្ធប្រតិបត្តិការ iOS បានន័យថា ទីមួយគ្រាន់តែធ្វើការ Update Version ពីមួយជំនាន់ទាបទៅជំនាន់ខ្ពស់ និងទីពីរគឺ ប្រិយមិត្តធ្វើបែបនេះគឺដើម្បីបំបាត់នូវបញ្ហាជាប់គាំងនៃ ប្រព័ន្ធប្រតិបត្តិការ iOS នោះដោយករណីមួយចំនួនដូចជា iDevices ដែលបាន jailbreak។
តោះកុំឲ្យខាតពេលយូរសូមអនុវត្តជំហានខាងក្រោម៖
* ចំពោះ iDevices ដែលមិនគាំង ពេល Restore ត្រូវ៖
១. ត្រូវពិនិត្យមើល iCloud ជៀសវាងមានបញ្ហាត្រូវចូលទៅកាន់ Settings → iCloud → Find My iPhone បន្ទាប់មកបិទដំណើរការ Find My iPhone

២. ត្រូវតែបិទដំណើរការចាក់សោ iDevices ដោយចូលទៅកាន់ Settings → Passcode បន្ទាប់មកបិទដំណើរការ Passcode Lock

៣. មិនត្រូវ Restore ភ្លាមទេ ត្រូវ Backup ឯកសារជៀសវាងការបាត់បង់ លេខទូរសព្ទ ឬ រូបភាព និង Note ជាដើម តាមរយៈ iTune នៅលើកុំព្យូទ័រ ឬ អាច Backup តាមរយៈ iCloud ក៏បាន

៤. ទាញយក iTune Versions ថ្មី សម្រាប់ Windows និង Mac ដោយ ចុចត្រង់នេះ…

៥. ទាញយក File iPSW ដែលមានទំហំជាង 1GB គ្រប់ File សម្រាប់ iPhone iPad iPod ដោយ ចុចត្រង់នេះ…

៦. បន្ទាប់មកចុចបិទ ( Power Off ) iDevices

៧. បើក iTune នៅលើ Windows ឬ Mac ជាស្រេច

៨. ចុច ប៊ូតុង Home (iDevices) ឲ្យជាប់ ហើយ ត្រូវភ្ជាប់និង iDevices ទៅនឹងកុំព្យូទ័រ ពេលនោះមានចេញ Logo iTune នៅលើ iDevices (Recovery mode)

៩. សម្រាប់ Windows ចុច Shift ឲ្យជាប់ បន្ទាប់មកចុច Restore
សម្រាប់ Mac ចុច Alt ឲ្យជាប់ បន្ទាប់មកចុច Restore

១០. បន្ទាប់នឹងរត់ទៅរក File iPSW ដែលប្រិយមិត្តបានទាញយក

១១. បន្ទាប់ពីជ្រើសរើស File iPSW ហើយដំណើរការ Restore នឹងចាប់ផ្តើមរយៈពេល ១០ ទៅ ១៥ នាទី
ចំណាំ៖ ចំពោះ iDevices ដែលគាំងពេល Restore បានន័យថា iDevices របស់ប្រិយមិត្តជាប់គាំងចេញរូប Logo Apple ឬ ញ័រលោតចុះឡើងនៃ Logo Apple។ ត្រូវចុច ប៊ូតុង Power និង Home ដំណាលគ្នាដើម្បីបញ្ឈប់ បន្ទាប់អនុវត្តចាប់ពីជំហានទី ៧ ខាងលើជាការស្រេច។

http://starkh.com/?p=1233

AppSync for iOS 8.0+

ដោយសារមានតំរូវការជាច្រើន ពីលោកអ្នកដែលចូលចិត្តប្រើប្រពន្វ័ប្រតិបត្តការ iOS ដែលកំពុងតែសួររក របៀប Install "AppSync For iOS 8" សំរាប់បញ្ចូល Game និង App ។
នៅពេលនេះ Khmer Bb សូមណែនាំពីរបៀប Install "AppSync For iOS 8" ដូចខាងក្រោម៖

==> របៀប Install

លោកអ្នកត្រូវតែបន្ថែម source នេះចូល (add source): cydia.myrepospace.com/360/
ចូលទៅកាន់កន្លែងស្វែងរក (search) សរសេរពាក្យ: appsync for ios 8
Install វាជាការស្រេច

http://khmer-bb.blogspot.com/2014/11/appsync-for-ios-80.html

Pages

បច្ចេកវិទ្យា

Labels

Saturday, December 13, 2014

ពិនិត្យមើល រយៈពេលធានានៅលើ Apple Device

Friday, December 12, 2014

ធុញទ្រាន់នឹង friend នៅលើ Facebook ចង់ Unfriend តែខ្លាចមិនសម អីចឹងសូមអនុវត្តតាមគន្លឹះនេះអាចដោះស្រាយបាន

Friday, November 28, 2014

ត្រឹមតែបីចំនុចនេះ អ្នកអាចដឹងថាមានអ្នកដទៃលួចប្រើគណនី Facebook អ្នក ឬអត់បានភ្លាម!

Wednesday, November 19, 2014

ដោះស្រាយបញ្ហា Wifi មានល្បឿនយឺតលើ iPhone និង iPad ដំណើរការដោយ iOS 8 និង 8.1

Friday, November 14, 2014

គន្លឹះងាយៗក្នុងការប្រើ Facebook Chat ដោយមិនចាំបាច់ប្រើកម្មវិធី Messanger នៅក្នុង iOS

Thursday, November 6, 2014

តោះរៀន Restore ឬ ដំឡើង Version ប្រព័ន្ធប្រតិបត្តិការ iOS 8.1 ទាំងអស់គ្នា

AppSync for iOS 8.0+

ផ្នែកព័ត៌មាន

អត្ថបទពេញនិយម

Visitors

ចំនួនអ្នកទស្សនា

Blog Archive

Blogroll

About

no have